Skip to content Skip to footer

90. fundur

 90. fundur Háskólafélags Suðurlands haldinn þann 02.02.2023 í Fjölheimum.

Mættir:  Sigurður Þór Sigurðsson og Sveinn Aðalsteinsson.

Helga Þorbergsdóttir, Hugrún Harpa Reynisdóttir,  Olga Lísa Garðarsdóttir og Sæunn Stefánsdóttir voru á fjarfundi,  Sigurður Markússon boðaði forföll.

Einnig sat fundinn Ingunn Jónsdóttir framkvæmdastjóri félagsins.

Helga Þorbergsdóttir ritaði fundargerð

1.       Katla jarðvangur/Geopark

Sigurður Sigursveinsson fulltrúi Háskólafélagsins í  stjórn Kötlu jarðvangs gerði grein fyrir viðkvæmri stöðu jarðvangsins vegna rekstrarerfiðleika.

Stjórn Háskólafélagsins telur mikil verðmæti felast í  vottun Unesco og starfsemi jarðvangsins og telur nauðsynlegt að leggja vinnu í að finna raunhæfan grundvöll fyrir áframhaldandi starfsemi og eflingu Kötlu jarðvangs. Háskólafélag Suðurlands vill hafa forgöngu um að koma á samstarfi þeirra aðila sem standa að Kötlu jarðvangi svo það megi verða.

2.       Endurskoðun á samningi SASS við HfSu

Nýr samningur er í mótun, samkvæmt þeim drögum sem fyrir liggja minnkar umfang atvinnuráðgjafar á vegum Háskólafélagsins.  Sem stendur gegnir framkvæmdastjóri félagsins stöðu byggðaþróunarfulltrúa. Framkvæmdastjóra falið að vinna áfram að og ganga frá samningi við SASS.

Rætt um nýsköpunarverkefni í héraði og aðkomu HfSu að þeim.

3.       Starfsmannamál

Starfsmönnum Háskólafélagsins hefur fækkað og ekki verður ráðið að fullu í þá stöðu sem losnað hefur fyrr en fyrir liggur hvernig samningurinn við SASS verður enda hefur hann fjárhagsleg áhrif á félagið.

4.       Önnur mál

Rætt um fjárhagslega stöðu félagsins og hvernig unnið verður í samræmi við hana. Framkvæmdastjóri mun útfæra þann þátt. Einnig var rætt um húsnæði Fjölheima og framtíðarsýn þar að lútandi.

Fundi slitið.