Fundargerðir

2. fundur

2. fundur stjórnar Háskólafélags Suðurlands ehf haldinn þann 31.01. 2008 kl. 16.00 að Austurvegi 56, Selfossi.

Mætt: Ágúst Sigurðsson, Elín Björg Jónsdóttir, Rögnvaldur Ólafsson, Steingerður Hreinsdóttir (formaður), Sveinn Aðalsteinsson og Örlygur Karlsson (varaformaður).

Forföll: Helga Þorbergsdóttir (ritari).

  1. Formaður setti fund og bauð gest fundarins, Ásmund Sverri Pálsson, framkv.stjóra Fræðslunets Suðurlands, velkominn. Sveinn Aðalsteinsson skipaður fundarritari í forföllum ritara. Ásmundur Sverrir gerði grein fyrir starfi Fræðslunetsins og svaraði fjölmörgum spurningum fundarmanna. Greinargerð Ásmundar má finna í viðauka fundargerðar. Starf Fræðslunetsins er ákaflega fjölþætt og nær um allt Suðurland. Ásmundur sér ýmis sóknarfæri í framtíðinni. Hann sér fyrir sér mjög þétt samstarf Háskólafélagsins og Fræðslunetsins á sviði miðlunar háskólamenntunar. Húsnæði Fræðslunetsins í Iðu (hús Fjölbrautaskóla Suðurlands) er orðið of lítið fyrir starfsemina og ýmsir möguleikar í stöðunni. Ásmundi var þakkað fyrir greinargott yfirlit og svör. Ásmundur yfirgaf síðan fundinn.
  1. Fundargerð síðasta fundar sem samþykkt var í lok síðasta fundar, var undirrituð.
  1. Formaður skýrði frá að kennitala félagsins væri fengin, 650108-0350, hún hefði borist þ. 30. jan. sl. Formaður stofnar bankareikning þ. 1. feb. eða við fyrsta tækifæri.
  1. Sveinn kynnti í stuttu máli hugmyndir sínar um næstu skref og lagði fram stuttar skýrslur um a) aðdraganda að myndun félagsins b) mögulegar erlendar fyrirmyndir félagsins og c) tillögur hans að næstu skrefum. Þessi gögn sendi hann einnig með tölvupósti til stjórnarmanna fyrir fundinn.
  1. Stjórnarmenn vilja skoða ýmis gögn, þ.á.m. gögn Sveins, betur fyrir næsta fund. Fram kom vilji stjórnarmanna til að skoða möguleika á stofnsetningu frumgreinadeildar í samvinnu við Fjölbrautaskóla Suðurlands og Háskólann í Reykjavík.
  1. Formanni og Sveini falið að koma með stutta tillögu að aðgerðaáætlun fyrir næsta fund (á u.þ.b. 1-2 A4 bls).
  1. Önnur mál: Formaður skýrði frá að Keilir hefði boðið stjórninni að kynna sér starfsemi Keilis á Keflavíkurflugvelli. Stjórnin þakkar gott boð og hyggst nýta sér það á næstu vikum. Lögð fram kynning á nokkrum námsleiðum Háskólans í Reykjavík. Fleira ekki tekið fyrir og fundi slitið kl. 18.00.

Næsti fundur ákveðinn föstudaginn 15. febrúar klukkan 16:00