Tilgangur félagsins er að auka búsetugæði og styrkja efnahag á Suðurlandi

Um félagið

Félagið er einkahlutafélag í eigu 14 sveitarfélaga á Suðurlandi auk Samtaka sunnlenskra sveitarfélaga/SASS og nær það því allt frá Selvogi í vestri austur í Lón.

Framtíðarsýn

Háskólafélagið er helsti samstarfsaðili háskóla, sveitarfélaga, fyrirtækja, stofnana, almennings og ríkisins á sviði menntamála og nýsköpunar á Suðurlandi.

Hlutverk

Háskólafélagið hefur frumkvæði að því að auka búsetugæði á Suðurlandi með því að færa menntun, rannsóknir og nýsköpun nær Sunnlendingum, í samstarfi við samfélagið.

Gildi

Frumkvæði og samstarf

Við skilgreinum fjögur meginmarkmið:

Hverju meginmarkmiði lýsum við nánar með undirmarkmiðum/starfsmarkmiðum:

Bæta aðgengi Sunnlendinga að háskólamenntun

Vera í samstarfi við háskóla um sveigjanlegt náms- og kennslufyrirkomulag.
Þróa námsleiðir með hliðsjón af þörfum íbúa og sunnlensks atvinnulífs.
Starfrækja viðurkennda prófaþjónustu vítt og breitt um Suðurland.
Starfrækja eða eiga samstarf um námsver á Suðurlandi.

Vinna að byggðaþróun á Suðurlandi

Eiga virkt samstarf við Samtök sunnlenskra sveitarfélaga (SASS) um verkefni Sóknaráætlunar Suðurlands.
Hafa frumkvæði að þróunarverkefnum, innlendum sem erlendum.
Fylgja eftir vel heppnuðum verkefnum, t.d. Katla UNESCO Global Geopark

Starfa að nýsköpun með fyrirtækjum og einstaklingum á Suðurlandi

Stuðla að öflugu nýsköpunarumhverfi á Suðurlandi.
Eiga virkt samstarf við SASS um nýsköpun.
Starfa með félögum atvinnulífsins á Suðurlandi.

Efla rannsóknir og fræðastarf á Suðurlandi

Eiga samstarf við rannsókna- og vísindastofnanir, innlendar sem erlendar.
Starfa með þekkingarsetrum á Suðurlandi að rannsóknum og fræðastarfi.
Taka þátt í starfi Vísinda- og rannsóknasjóðs Suðurlands.